Hesperian Health Guides
Paghingi ng tulong mula sa nakatatanda
HealthWiki > Kapag Walang Doktor ang Kababaihan > Kabanata 5: Usaping pangkalusugan ng mga batang babae > Paghingi ng tulong mula sa nakatatanda
Puwede kang mahalin ng iyong pamilya na hindi umaayon sa lahat ng sinasabi mo. Maaring galit sila dahil may malasakit sa iyo—hindi dahil ayaw ka nila. Subukan mong makipag-usap sa kanila nang may respeto at tulungan silang mas maintindihan ka.
Mga ideya para sa mas mahusay na komunikasyon
tayo mag-usap?
- Pumili ng tamang pagkakataon para makipagusap—kapag hindi sila abala, pagod o may ibang inaalala.
- Ikuwento sa kanila ang iyong mga inaatupag, inaalala at inaasam. Itanong kung ano ang gagawin nila kung malagay sa sitwasyon mo.
- Bigyan mo sila ng mababasa o larawan na matitingnan para magsimula silang makipag-usap. Puwede ninyong basahin nang magkasama ang mga bahagi ng librong ito na may relasyon sa inyong problema.
- Kung galit ka, sikaping huwag sumigaw. Puwedeng dito magalit ang mga magulang mo at isipin na hindi mo sila ginagalang.
- Kung nasubukan mo na ang mga ito at hindi mo pa rin makausap ang mga magulang mo, maghanap ng ibang mas nakatatandang tao na makakausap mo. Puwedeng ang iyong guro, nanay ng isang kaibigan, tiya, mas matandang kapatid na babae, lola, kasamahan sa simbahan, o isang health worker.
Pagtulong ng mga nanay sa kanilang anak na babae
Baka lumaki ka sa panahong hindi pinapayagan ang mga babae na makapag-aral, magplano ng pamilya o magdesisyon para sa sariling buhay. Puwedeng mabago ang takbo ng buhay para sa iyong anak na babae. Kung pakikinggan mo siya, magbabahagi ng karanasan mo, at bibigyan ng magagamit na impormasyon, matutulungan mo siyang gumawa ng mabuting desisyon para sa sarili. Matutulungan mo siyang makita ang mga kagandahan sa pagiging babae.