Hesperian Health Guides
Palatandaan ng panganib sa bagong silang na sanggol
HealthWiki > Kapag Walang Doktor ang Kababaihan > Kabanata 6: Pagbubuntis at panganganak > Palatandaan ng panganib sa bagong silang na sanggol
Mga nilalaman
Sanggol na sobrang aga pinanganak o sobrang liit
Sobrang aga (premature) ang sanggol kung lumabas bago mag- 8 buwan. Sobrang liit naman kung mas magaan sa 2,500 grams o 5 pounds (libra). Kailangan nila ng ispesyal na pangangalaga.
 Dapat tuyo at naiinitan ang sanggol Panglunas:
Dagdag na impormasyonpagpapasuso |
Hindi humihinga ang sanggol
Dapat magsimulang huminga nang mag-isa ang sanggol sa loob ng 2-3 minuto pagkatapos na mamutla ang cord o humiwalay ang inunan sa dingding ng matris. Kung hindi, puwedeng mapinsala ang utak o mamatay.
Ano ang gagawin:
Linisin at tanggalin ang anumang bara sa bibig at ilong, at himasin ang kanyang likod at paa nang may katamtamang diin. Kung hindi pa rin huminga, gawin ang sumusunod na pangsagip na hakbang:
- Ihiga siya sa matigas na patungan, tulad ng lamesa o sahig.
- Ipatingala nang kaunti ang kanyang ulo para bumukas ang lalamunan
- Ipuwesto ang iyong bibig para matakpan ang bibig at ilong ng sanggol, at maingat na bugahan nang pakaunti-kaunting hangin papasok sa sanggol. Bumuga ng mga 40 beses bawat minuto. (Mas madalas ito nang kaunti sa paghinga mo kapag nakarelaks.) Hayaang huminga palabas ang sanggol sa pagitan ng mga pagbuga mo.
- Aalsa ang tiyan at dibdib ng sanggol sa bawat pagbuga. Kung maiwan na nakaalsa ang tiyan, ibig sabihin ay sa sikmura pumupunta ang hangin at hindi sa baga. Baguhin ang posisyon ng kanyang ulo. Siguraduhing walang nakabara sa lalamunan.
| Tumataas angdibdib at tiyan. | Bumababa ang dibdib at tiyan sa pagitan ng pagbuga. |
 |
 |
MAHALAGA! Napakaselan ng baga ng bagong silang na sanggol. Kung sobrang lakas ang buga, baka mapinsala mo ito. Bumuga nang mahina mula sa pisngi, hindi sa iyong dibdib.
Huling binago ang pahinang ito: 11 Set 2017