Hesperian Health Guides

Para sa Thrush (Ugam, Candida, Impeksyon ng Yeast)

Every day 20,000 people visit the HealthWiki for lifesaving health information. If everyone gave just $5 we could translate 50 more chapters.

Make a giftMake a gift to support this essential health information people depend on.


HealthWiki > Bagong Kapag Walang Doktor > Kabanata 27: Bagong Panganak na Sanggol at Pagpapasuso > Para sa Thrush (Ugam, Candida, Impeksyon ng Yeast)


Gentian violet, GV, crystal violet, methylrosanilinium chloride


Murang panlunas para sa impeksyon ng yeast o lebadura sa bibig (ugam), sa utong ng nagpapasusong ina, sa tiklop ng balat, o sa gawing labas o loob ng puwerta. Tumatalab din ito laban sa ilang impeksyon ng bacteria sa balat.

Mga side effectGreen-effects.png

Kayang makairita ng balat ang Gentian violet at magdulot ng singaw kung gagamitin sa bibig o puwerta. Ihinto ang paggamit kung may lumitaw na pagbubutlig o mga singaw.

MahalagaNBgrnimportant.png

Nagkukulay ube ang lahat ng malagyan ng Gentian violet. Kumukupas ang kulay sa balat matapos ang ilang araw, pero pwedeng permanente na ang mantsa sa tela.

Paano gamitinNBgrneyedrop.png
Gumamit ng 0.5% timpla ng methylrosanilinium chloride (gentian violet). Ipinta ito sa balat, bibig o labas ng puwerta, 2 o 3 beses bawat araw.

Kung hindi magsimulang maghilom ang impeksyon sa loob ng dalawang araw, sumubok ng ibang gamot.

Nystatin


Tumatalab ang nystatin sa karamihan ng impeksyon ng yeast sa bibig, utong o balat, o sa puwerta. May gamot na likido para sa bibig, at krema, pulbos o pesaryo para sa puwerta.

Mga side effectGreen-effects.png

Maaaring mairita ang balat sa nystatin. Madalang ito. Itigil ang paggamit kung magkaroon ng pagbubutlig. Minsan nagdudulot ng pagtatae ang nystatin.

MahalagaNBgrnimportant.png

Maaaring palatandaan ng HIV ang impeksyon ng yeast na hindi gumagaling sa nystatin, o pabalik-balik.

Paano gamitinNBgrneyedrop.png
Timplado ang likidong nystatin sa 100,000 Units bawat ml (o minsan 500,000 Units bawat ml). Mga 100,000 – 200,000 Units ang dapat gamitin ng karamihan, pero sa taong may HIV, maaaring hanggang 500,000 Units sa bawat dosis ang kailangan
Para sa sanggol na may ugam sa bibig
Magbigay ng 200,000 Units ng likido (2 ml, kulang sa ½ kutsarita), 4 na beses bawat araw. Gumamit ng maliit na telang malinis o pampatak para ikalat ang nystatin sa loob ng bibig. Ituloy ang pagbigay ng nystatin 2 araw matapos mawala ang impeksyon, kung hindi ay puwede itong bumalik.
Para sa nagpapasusong nanay na may impeksyon ng yeast sa utong (makati, mapula, o masakit)
Lagyan ng 100,000 – 200,000 Units ng nystatin na krema, pulbos, o likido sa utong, 4 na beses bawat araw.