Hesperian Health Guides
Ang sistemang reproduktibo ng lalaki
HealthWiki > Kapag Walang Doktor ang Kababaihan > Kabanata 4: Pagkilala sa ating katawan > Ang sistemang reproduktibo ng lalaki
Bayag din ang gumagawa sa semilya o sperm ng lalaki. Nagsisimula sa pagbibinata, tuloy-tuloy ang paggawa nito sa buong buhay niya.
Dumadaloy ang semilya mula sa bayag padaan sa isang tubo ng titi kung saan humahalo ito sa isang likido na inilalabas ng ispesyal na mga glandula.
Tamod o semen ang tawag sa halo ng likido at semilya na ito. Lumalabas ang tamod mula sa titi ng lalaki kapag narating niya ang rurok ng pagtatalik. May libo-libong semilya ang bawat patak ng tamod na masyadong maliit para makita
Pagbuo ng sanggol — magiging lalaki o babae?
Mga kalahati ng semilya ng lalaki ay magbubuo ng sanggol na lalaki at ang kalahati pa ay magbubuo ng sanggol na babae. Isang semilya lang ang sasanib sa itlog ng babae. Kung lalaking semilya ito, magiging lalaki ang sanggol. Kung babaeng semilya naman, magiging babae ang sanggol.
Dahil mas mahalaga sa karamihan ng mga komunidad ang lalaki kaysa sa babae, may mga pamilyang mas gusto ang anak na lalaki kaysa babae. Hindi ito tama dahil dapat kasinghalaga ng lalaki ang babae. Hindi rin ito tama dahil sa ibang lugar, babae ang sinisisi kung wala siyang anak na lalaki. Pero semilya ng lalaki ang nagtatakda kung lalaki o babae ang sanggol!