Hesperian Health Guides

Paano nagbabago ang katawan ng babae

Sa kabanatang ito:

drawing na paikot na nagpapakita sa isang batang babaeng nagdadalaga, tumutuntong sa wastong edad, nagiging nanay, at tumatanda
Ang Siklo ng Buhay


Sa pagtakbo ng buhay, dumadaan ang katawan ng babae sa maraming mahalagang pagbabago—sa pagdadalaga, kapag buntis at nagpapasuso, at sa paghinto ng kakayahang manganak puberty, (menopause).

Dagdag pa, sa panahong kaya niyang manganak, nagbabago ang katawan niya buwan-buwan—bago, habang at pagkatapos ng regla. Nagaganap ang marami sa mga pagbabagong ito sa puwerta, matris, obaryo, fallopian tubes at suso, na tinatawag ding sistemang reproduktibo. Mga ispesyal na kemikal o hormones ang nagdudulot ng marami sa mga pagbabagong ito.

Hormones

Ang hormones ay mga kemikal na gawa ng katawan na kumokontrol kung paano at kailan lumalaki ang katawan. Malapit sa unang pagregla ng babae, nagsisimulang gumawa ang katawan niya ng mas maraming estrogen at progesterone, ang pangunahing hormone ng babae. Ito ang sanhi ng pagbabago sa katawan na tinaguriang pagdadalaga.

Sa mga taon na kaya niyang magkaanak, hinahanda bawat buwan ng mga hormone ang katawan para sa posibleng pagbubuntis. Ito rin ang nagsasabi sa mga obaryo kung kailan maglalabas ng itlog (isang itlog bawat buwan). Kaya mga hormone ang nagtatakda kung kailan puwedeng mabuntis ang babae. Maraming paraan sa pagpaplano ng pamilya ang pumipigil sa pagbubuntis sa pamamagitan ng pagkontrol sa mga hormone ng babae (tingnan Hormonal na paraan ng pagpaplano ng pamilya). May pagbabago ding ginagawa ang mga hormone habang buntis at nagpapasuso. Halimbawa, mga hormone ang pumipigil sa pagregla ng babaeng buntis. Pagkapanganak, mga hormone din ang nagpapagawa sa suso ng gatas.

Kapag malapit nang matapos ang kakayahan ng babaeng magbuntis, dahan-dahang humihinto ang paggawa ng estrogen at progesterone. Humihinto ang mga obaryo sa paglalabas ng itlog, humihinto ang katawan sa paghahanda na mabuntis, at tumitigil ang regla nang tuluyan. Ang tawag dito ay menopause.

May epekto din ang dami at klase ng mga hormone ng babae sa kanyang emosyon, sekswal na pakiramdam, timbang, init ng katawan, gutom at tibay ng buto.


Huling binago ang pahinang ito: 05 Ene 2024
Ikinuha mula sa "http://fil.hesperian.org/w/index.php?title=Where_Women_Have_No_Doctor:Paano_nagbabago_ang_katawan_ng_babae&oldid=472"

QUICK LINKS


HealthWiki
Language Hub
Mobile Apps
Books
About Us
DONATE

CONNECT


Get 15% off your next order by
signing up for our newsletter. Signup and check your inbox for a coupon code and our newsletter.

Get our Weekly update

ORDERING & INFO


Buy Books
Bulk Ordering & Review Copies
Books Store FAQs
Apply for free Books
Contact Us
© Copyright - Hesperian Health Guides
| Hesperian is a tax exempt 501(c)3 organization
| Privacy Policy