Iniinom na kontraseptibopills (kontraseptibong pildoras)

HealthWiki > Kapag Walang Doktor ang Kababaihan > Gamot: Mga berdeng pahina > Iniinom na kontraseptibo

Mga berdeng pahina

 

Mga berdeng pahina

May 2 hormone ang karamihan ng kontraseptibong pildoras, katulad ng mga hormone na normal na ginagawa ng katawan ng babae. Estrogen at progestin ang tawag sa mga hormone na ito. Kadalasan, pinakaligtas at mabuting gamitin para sa karamihan ng mga babae ang mga produktong mas mababa ang nilalamang hormone.

May lamang iba’t ibang kantidad ng hormone at may iba’t ibang tatak o brand name ang mga kontraseptibong pildoras. Iilang tatak ng pildoras lang ang nilista namin sa ibaba. Ang Grupong 1, 2, at 3 ay listahan ng magkakaibang klase ng kombinasyong pildoras.

Group 1 - Triphasic na pildoras May laman ang mga ito na mababang kantidad ng estrogen at progestin sa timpla na nagbabago sa takbo ng buong buwan. Dahil nagbabago ang kantidad, mahalagang nasa tamang pagkakasunod-sunod ang pag-inom.
Mga tatak:	Gracial Logynon	Qlaira Synphase	Trinordiol Trinovium	Triquilar Triphasil
Group 2 – Pildoras na mababa ang dose Mababa ang laman nitong estrogen at progestin sa timpla na pareho sa buong buwan.
Mga tatak:	Alesse Brevicon 1 + 35 Cilest	Diane Femoden Gynera	Harmonet Norinyl Ortho-Novum	Ovysmen
Group 3 – Pildoras na mababa ang dose May mataas na progestin at mababang estrogen ang mga pildoras na ito.
Mga tatak:	Lo-Femenal Lo-Ovral	Microgynon Microvlar	Nordette

Sa karaniwan, mas kaunti ang regla ng mga babaeng gumagamit ng pildoras. Maaaring mabuti ito, laluna sa mga babaeng anemic. Pero kung ilang buwang hindi nireregla ang babae o nababahala siya ng kaunting pagregla, maaari siyang lumipat sa produkto sa Group 2 na mas marami ang estrogen.

Para mataas ang bisa at mababa ang pag-spotting (kaunting pagdurugo sa panahon na hindi ka sana nireregla), inumin ang pildoras sa parehong oras bawat araw. Kung magpatuloy ang spotting matapos ang 3–4 na buwan, subukan ang isa sa produkto sa Group 3.

Para sa babaeng matindi magregla o masakit ang suso bago reglahin, maaaring mas mabuti ang produktong mababa ang estrogen pero mataas ang progestin. Nasa Group 3 ang mga produktong ito.

Ang mga pildoras na progestin lang ang laman (progestin-only pills o POP o minipills) ay dapat inumin sa parehong oras bawat araw, kahit na nireregla. Madalas hindi regular ang pagregla. Mas mataas din ang tsansang mabuntis kahit na isang pildoras lang ang malimutan ng babae.

Group 4 – Progestin-lang na pildoras (POP o minipills)) Progestin lang ang laman ng POP o minipills.
Mga tatak:	Femulen Microlut	Micronor Micronovum	Neogest Microval	Ovrette

Huling binago ang pahinang ito: 05 Ene 2024