Pagtatanggol sa sarili ng kababaihan

Galing ang nilalamang ito sa
Paunang mga Kabanata ng Kapag Walang Doktor ang Kababaihan

Mag-ensayo ng mga galaw na ito kasama ang isang kaibigan, para maging handa ka na labanan ang isang umaatake. Birahin mo siya nang pinakamalakas na makakaya mo. Huwag kang mangimi na masaktan mo siya—hindi siya nangingimi na saktan ka. Para sa dagdag na mga ideya sa pagtatanggol sa sarili, tingnan ang Personal na kaligtasan.

Kung aatakehin ka mula sa likod		Kung aatakehin ka mula sa harap
Sikuhin mo siya nang malakas sa sikmura.		Ibaon mo nang malakas ang daliri mo sa mata niya.
	Tadyakan mo nang malakas ang paa niya ng sakong ng paa mo.		Ikuyom ang dalawang kamay at isuntok nang pasalubong ang kamao sa magkabilang bahagi ng ulo, o sa magkabilang tainga.
Patalikod na abutin mo ng kamay ang kanyang bayag, at ipitin nang malakas.		Ikuyom ang kamay at isuntok nang malakas ang kamao sa kanyang ilong.
	Gamit ang sakong ng paa, sipain mo siya nang malakas sa lulod o sa tuhod.		Tuhudin siya nang mabilis at malakas sa bayag.