Hesperian Health Guides
Relasyong sekswal
 |
Kung edad lang ang batayan, walang dahilan na hindi masiyahan ang babae sa pagtatalik hangga’t siya’y nabubuhay.
Dagdag na impormasyon
sekswal nakasiyahanPara sa ilang babae, ang menopause ay kalayaan mula sa mga sekswal na obligasyon ng pag-aasawa. Ang iba naman ay mas nagkakainteres sa seks dahil wala nang pangamba ng diginustong pagbubuntis. Pero patuloy na nangangailangan ng pagtangi at pagmamahal ang lahat ng babae.
Habang tumatanda ang babae, maaaring makaapekto sa relasyong sekswal ang ilang pagbabago sa kanyang katawan:
- Maaaring mas matagal siya bago mag-init sa pakikipagtalik (nangyayari din ito sa mga lalaki).
- Maaaring mas tuyo ang puwerta niya, kaya hirap siya sa pakikipagtalik, o mas madali siyang ma-impeksyon sa ari o sa ihian. Maaari rin nitong dagdagan ang panganib na magka-HIV na impeksyon.
Ano ang gagawin:
Huwag gumamit ng pampadulas mula sa petrolyo o langis na may pabango. Makakapagdulot ito ng iritasyon sa puwerta.
Dagdag na impormasyon
pakikipagseks na tuyo ang ari- Sikaping habaan ang panahon bago makipagseks, para makagawa ng natural na pamamasa ang iyong puwerta. Sa pakikipagtalik, puwedeng gumamit ng laway, halamang langis (mais, olive), o iba pang pampadulas tulad ng spermicide.
- Kung hirap ang partner mo na tigasan ng titi, sikaping malaman kung saan siya nasasarapan. Baka mag-iinit siya mula sa paghipo.
- Para maiwasan ang problema sa pag-ihi, huwag mong patuyuin ang puwerta bago ka makipagtalik. Matapos makipagtalik, umihi sa pinakamaagang pagkakataon para mapalabas ang anumang mikrobyo sa ihian.
Puwede ka pa ring mabuntis hanggang sa tumigil na nang isang buong taon ang iyong pagregla. Para maiwasan, dapat mong ipagpatuloy ang paggamit ng paraan sa pagpaplano ng pamilya sa panahong ito.
Kung gumagamit ka ng kontrasepsyon na nakabase sa hormone (pildoras, iniksyon o implant), itigil ang paggamit kung mga 50 ka na para makita kung nireregla ka pa. Gumamit ng ibang paraan ng kontrasepsyon hanggang sa wala ka nang regla sa loob ng isang buong taon (12 buwan).
Maliban kung tiyak mo na ikaw at ang kapartner mo ay walang INP, pati na HIV/AIDS, siguraduhing gumamit ng condom sa bawat pagtatalik—kahit hindi ka na maaaring mabuntis (tingnan "Gawing mas ligtas ang pagtatalik").