Hesperian Health Guides
Paghahanda sa pag-labor at panganganak
HealthWiki > Kapag Walang Doktor ang Kababaihan > Kabanata 6: Pagbubuntis at panganganak > Paghahanda sa pag-labor at panganganak
Mga dapat ihanda bago manganak
Dapat naihanda na ng isang buntis na babae ang mga sumusunod na bagay sa ika-pitong buwan ng pagbubuntis:
 |
 |
| sabon at alkohol | malinis na tali |
 |
 |
| malinis na tela | new bagong blade |
 | |
| dalawang mangkok o palanggana, isang hugasan at isang lagayan ng inunan | |
Kung wala kang bagong blade, puwede kang gumamit ng gunting o kutsilyo na walang kalawang kung pakukuluan ito nang 20 minuto bago ipamputol sa cord ng pusod.
Ilan pang gamit ng komadrona o tagapaanak:
flashlight
fetoscope
gunting na bilugan ang dulo para sa pagputol ng cord ng pusod bago lumabas nang tuluyan ang sanggol
guwantes o plastik na supot na isterilisado
isterilisadong karayom at sinulid na pantahi ng anumang mapupunit sa daanang-bata
pang-iniksyon at
karayom na
isterilisado
karayom na
isterilisado
ilang iniksyon ng ergonovine, ergometrine, oxytocin, o misoprostol
Gamot HIV para sa ina at sanggol
tetracycline o
erythromycin ointment
for the baby's eyes
erythromycin ointment
for the baby's eyes
pansipsip na balbula (gawa sa
goma) para pantanggal ng mucus o uhog mula sa ilong at bibig ng sanggol
goma) para pantanggal ng mucus o uhog mula sa ilong at bibig ng sanggol
| Panahon din ito para: | |
|
|
 |
|
Pag-alalay sa babae na manganak
Kung buntis ka, basahin mo ito para malaman kung ano ang aasahan sa pag-labor at pagkatapos manganak. Mas matutulungan mo rin ang ibang babae sa panganganak.
Kung umaalalay ka sa ibang babae na manganak, ipanatag ang loob niya para hindi matakot. Alalahaning naisisilang nang walang problema ang karamihan ng sanggol. Manatiling kalmado at maaliwalas, at ipaalam sa kanya na may tiwala ka sa kakayahan niyang manganak.
| Para sa ligtas na panganganak, gawin ang tatlong paglilinis: | ||
| 1. Malinis na kamay | 2. Malinis na panganganakan | 3. Malinis na pamputol ng cord ng pusod |
 |
 |
 |
| Tingnan ang Pagpigil sa impeksyon. | ||
GAWIN
- Dapat malinis at maikli ang kuko mo.
- Maghugas ka ng kamay sa sabon at malinis na tubig. Patuyuin sa hangin.
- Intindihing may mga babaeng may dagdag na risgo, at aralin ang ‘Mga Palatandaan ng Panganib sa Pagbubuntis’. Kung may alinman sa mga nakalistang risgo o palatandaan ng panganib, tiyaking sa health center o ospital manganak ang babae.
- Aralin ang ‘Mga Palatandaan ng Panganib sa Pag-labor’. Dalhin siya sa ospital kung may alinman sa mga palatandaan.
- Maging mabait at magalang.
MAHALAGA! Protektahan mo ang sarili sa HIV at hepatitis. Gumamit ng malinis na guwantes sa pagpapaanak. Kung wala kang guwantes, gumamit ng supot na plastik na hinugasan.
HUWAG GAWIN
- Huwag ipasok ang daliri o anumang bagay sa puwerta. Ang pagsukat sa pagbuka ng cervix ay hindi nakakatulong na maisilang ang sanggol, at puwedeng pagmulan ng mapanganib na impeksyon.
- Huwag magbigay ng anumang gamot para pabilisin o palakasin ang pag-labor. Puwedeng makapatay sa nanay at sanggol ang mga ito. (Ang mga gamot na pampaimpis ng matris ay ginagamit lang para pahintuin ang pagdurugo matapos manganak.)
- Huwag siyang pairihin kung hindi pa siya handa. Kapag napapanahon na ang paglabas ng sanggol, mararamdaman niya na para siyang napapadumi at magsisimula siyang umiri nang kusa.
- Huwag diinan o itulak sa labas ang matris para pabilisin ang paglabas ng sanggol. Puwedeng mapunit ang matris o maagang humiwalay ang inunan. Makakapatay ito sa nanay at sanggol.
Huling binago ang pahinang ito: 11 Set 2017